Gjendja e tri motrave që u helmuan nga karamelet me përmbajtje kanabisi në Korçë po përmirësohet gradualisht. Dy vajzat më të mëdha, 7 dhe 11 vjeç, të cilat u shtruan në spital disa ditë më parë, ndodhen jashtë rrezikut për jetën dhe janë në gjendje të stabilizuar.
Ndërsa më e vogla, 3-vjeçarja, ka dalë nga rreziku për jetën dhe gjendja e saj është gjithashtu stabilizuar, megjithatë vazhdon të mbahet nën vëzhgim të kujdesshëm nga ekipi i reanimacionit.
Ngjarja tronditi komunitetin lokal, pasi tri vajzat e njëjtës familje u dërguan me urgjencë në spital pas konsumimit të disa karameleve që dyshohet se përmbanin substanca narkotike. Autoritetet kanë nisur hetimet për të përcaktuar origjinën dhe përmbajtjen e ëmbëlsirave që shkaktuan helmimin.