Një ngjarje e rëndë ka ndodhur në Rolling Hill, Lundër, pasditen e së premtes, ku 19-vjeçari Kristi Fufi është sulmuar fizikisht nga disa persona ende të paidentifikuar. Kristi Fufi është djali i ish-deputetit të PD, Mhill Fufi.
Ai është sulmuar fizikisht nga disa persona ende të paidentifikuar. Sipas informacionit të siguruar, agresorët kanë ardhur me makinë dhe kanë nxjerrë shkopinj dhe sende të forta nga bagazhi për të sulmuar të riun.
Pasi kanë mbërritur në vend, ata nuk e kanë gjetur Fufin dhe janë futur në një lokal aty pranë, ku pas një kërkimi e kanë gjetur dhe e kanë dhunuar. Sipas burimeve policore, ngjarja ka ndodhur rreth orës 19:15, në Farkë, pranë një kompleksi, ku një grup personash dyshohet se janë përfshirë në një konflikt fizik.
Kristi Fufi ka pësuar dëmtime të rënda dhe është dërguar në spital, ku po merr trajtim mjekësor. Policia e Tiranës ka nisur hetimet dhe është angazhuar për identifikimin e autorëve të ngjarjes.