TIRANË-Ditën e sotme Ministri për Evropën dhe Punët e Jashtme z. Igli Hasani, përmes një postimi në rrjetet sociale ka reaguar në përvjetorin e tretë të agresionit rus në Ukrainë.
“Në përvjetorin e tretë të agresionit të paprovokuar të Rusisë ndaj Ukrainës, Shqipëria riafirmon mbështetjen e saj të palëkundur për integritetin territorial, sovranitetin dhe pavarësinë e Ukrainës, në linjë me qëndrimin e NATO-s dhe Bashkimit Evropian.”- thotë Ministri Hasani.
Ndër të tjera Hasani deklaron se Shqipëria e dënon fuqishëm këtë shkelje flagrante të së drejtës ndërkombëtare dhe nderon qëndrueshmërinë e popullit ukrainas.
“Çdo përpjekje duhet të bëhet për të arritur një paqe të drejtë dhe të qëndrueshme – për Ukrainën, popullin e saj, dhe sigurinë e Evropës dhe të botës.”-thotë më tej Ministri për Evropën dhe Punët e Jashtme, z. Igli Hasani në reagimin e tij./Radar.al