Një ngjarje e pazakontë është regjistruar në fshatin Hoçë, ku tre arinj janë parë duke hyrë në oborrin e një banese, duke shkaktuar shqetësim te banorët e zonës.
Sipas dëshmitarëve, kafshët e egra janë shfaqur papritur pranë shtëpisë dhe kanë qëndruar për disa minuta në oborr, përpara se të largoheshin drejt zonave malore përreth.
Deri tani nuk raportohet për persona të lënduar apo dëme materiale, ndërsa pamjet e arinjve janë publikuar nga media lokale dhe janë shpërndarë gjerësisht në rrjetet sociale.
Banorët e zonës kanë kërkuar më shumë kujdes dhe masa parandaluese nga institucionet përgjegjëse, për të shmangur afrimin e kafshëve të egra pranë banesave.