Pas protestës së dhunshme në kampin e emigrantëve në Gjadër të Lezhës, ku u dëmtua infrastruktura dhe mobiliet e qendrës, 10 emigrantë janë arrestuar dhe janë vendosur në izolim të plotë në qelitë e ndërtuara posaçërisht brenda kampit.
Ngjarja ndodhi tre ditë më parë, kur rreth 20 emigrantë shkaktuan kaos, duke thyer xhama, shkatërruar dyshekë dhe plaçkitur ambientet e banimit. Tre prej tyre tentuan vetëlëndim me mjete të mprehta, duke kërkuar ndihmë mjekësore, por fatmirësisht pa pasoja të rënda.
Ndërkohë, një prej emigrantëve, të cilit i ishte anuluar urdhri i dëbimit, është rikthyer në Itali.
Të arrestuarit do të qëndrojnë në qelitë izoluese dhe kanë të drejtë të takohen vetëm me avokatët e tyre, ndërsa autoritetet po vazhdojnë hetimet për incidentin.