Një tjetër ngjarje e rëndë mësohet të ketë ndodhur së fundmi në Kosovë ku një efektiv policie është gjetur pa shenja jete në Prishtinë.
Mediat kosovare raportojnë së deri më tani dyshohet se polici 47-vjeçar dyshohet se ka kryer vetëvrasje.
Kjo u konfirmua dhe nga policia e Kosovës, ndërsa thuhet se po vijojnë hetimet për zbardhjen e plotë të ngjarjes.
”Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor. Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike’’, deklaron zyra e policisë.
Sakaq kujtojmë se një efektiv policie në Kosovë u ekzekutua para dy ditësh para shtëpisë së tij.
