Një ngjarje tragjike ka ndodhur ditën e sotme në komunën Vernio pranë Pratos, Itali.
Mediat italiane bëjnë me dije se një shqiptar 56-vjeçar humbi jetën pasi u shtyp nga një kamion ndërtimi në zonën via del Bisenzio, në fshatin Mercatale.
Më tej mësohet se viktima ishte duke punuar në shkarkimin e materialeve ndërtimore nga mjeti, i cili ishte ndalur në një shpat.
Për shkak të humbjes së tërheqjes në asfalt, kamioni lëvizi paprtimas dhe goditi burrin, duke i shkaktuar vdekjen e menjëhershme.
Më pas, automjeti përfundoi në një kanal anës rrugës.
Punëtori ishte i punësuar nga një kompani që kryente aktivitete për llogari të Hekurudhave Shtetërore.
Në vendngjarje mbërritën menjëherë autoritetet vendase të cilat pavarësisht ndërhyrjeve nuk arritën t’i shpëtonin jetë shqiptarit.
Sakaq thuhet se në lidhje me këtë situatë po vijojnë hetimet për rindërtimin e dinamikës së ngjarjes dhe për të identifikuar përgjegjësit e mundshëm penalë.