Një ngjarje tragjike ka ndodhur ditën e sotme në Greqi ku një 30-vjeçar humbi jetën tragjikisht në plazhin Kathisma të Lefkadës, pasi u mbyt nga dallgët e forta teksa notonte.
Ngjarja e rëndë mësohet të ketë ndodhur për shkak të motit të keq.
Ndërsa më tej mësohet se i riu me origjinë nga Trikalla arriti në Lefkadë me miqtë për të festuar së bashku festën e beqarisë, të cilën e kishin planifikuar prej kohësh. Javën e ardhshme ai do të kurorëzonte dashurinë me vajzën e zemrës.
Mirëpo diçka e tillë nuk ishte e shkruar për të. Vetëm një javë para dasmës, dhëndri humbi jetën teksa notonte, duke kthyer kështu dasmën në tragjedi.
Roja bregdetare dhe ekipi i urgjencës mjekësore (EKAV) arritën ta nxjerrin nga uji dhe ta transportojnë me ambulancë në spitalin e Lefkadës.
Por fatkeqësisht, pavarësisht ndërhyrjeve, i riu kishte ndërrur jetë.