Festa e Vitit të Ri në Gjirokastër u kthye në tragjedi në orët e para të mëngjesit të 1 janarit 2026, kur një aksident rrugor në aksin Gjirokastër–Tepelenë la tre të rinj të vdekur dhe një të plagosur.
Nga përplasja e dy automjeteve humbën jetën Anxhelo Ruçi, 27 vjeç, nip i ish-kryetarit të Kuvendit të Shqipërisë, Gramoz Ruçi, dhe djali i shefit të policisë, Rami Ruçi; Klejdi Myftari, 24 vjeç; dhe Martin Dulaj, 25 vjeç, i cili ndërroi jetë në vendngjarje.
Ndërsa e plagosur u dërgua në Spitalin e Traumës në Tiranë 19-vjeçarja Arsida Demiri për ndihmë të specializuar. Mjeti tip Volkswagen, ku udhëtonin Anxhelo Ruçi dhe Klejdi Myftari, përplasi një automjet Mercedes Benz, në të cilin ndodheshin Martin Dulaj dhe Arsida Demiri. Policia po vijon hetimet për sqarimin e rrethanave të aksidentit.