Një ngjarje e rëndë është regjistruar në fshatin Agonas, në Kavaje, ku një konflikt familjar mes dy vëllezërve ka përfunduar në tragjedi me pasoja fatale.
Sipas Policisë, rreth orës 20:30, gjatë kohës që ndodheshin në arë duke mbledhur bazë ushqimore për blegtorinë, 76-vjeçari M. Rr. dyshohet se ka goditur me mjet prerës (thikë) vëllain e tij, 74-vjeçarin E. Rr.
I plagosuri u transportua me urgjencë drejt spitalit për ndihmë mjekësore, por për shkak të plagëve të marra ka humbur jetën rrugës.
Autori i dyshuar është kapur dhe shoqëruar nga shërbimet e Policisë për veprime të mëtejshme procedurale.
Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin ligjor të saj.