Tensionet dhe dhuna në Kuvendin shqiptar, SHBA nuk rri duarkryq! Pas mesazhit të fortë dërgon zyrtaren e lartë amerikane

Pas situatave të tensionuara dhe dhunës në Parlamentin e Shqipërisë, SHBA ka lëvizur “gurët” e saj.

Mësohet se e Ngarkuara me Punë e SHBA, Nancy VanHorn ka takuar këtë të mërkurë Kryetaren e Komisionit për Çështjet Ligjore, Administratën Publike dhe të Drejtat e Njeriut Klotilda Bushka dhe Zëvendëskryetaren Dhurata Çupi.

Në një njoftim të bërë në faqen zyrtare të Facebook-ut të Ambasadës Amerikane, thuhet se ato theksuan rëndësinë e institucioneve të pavarura, natyrën kritike të reformës në drejtësi në Shqipëri dhe rolin jetik të shumicës dhe opozitës në nxitjen e një demokracie të shëndetshme dhe gjithëpërfshirëse.

Kujtojmë se edhe këtë të mërkurë mbledhjet e Komisioneve parlamentare nuk janë zhvilluar normalisht pas bojkotit të deputetëve të PD, ndërsa te “Etika” pati edhe përplasje, ku Flamur Noka shkuli mikrofonin duke detyruar Bushkën të mbyllje mbledhjen ku do të diskutohej për masën disiplinore të kërkuar nga grupi i PS për 24 deputetë të PD.

LEXO EDHE

“Qërohu”, ‘Ju jeni krimi’- Dalin pamjet e sherrit që nuk u transmetua në Kuvend, Noka shkul një tjetër mikrofon

Kaosi i opozitës në Kuvend/ Ambasada e SHBA në Tiranë: Jemi të shqetësuar për forcën e shpalosur në parlamentin shqiptar

Lajm i fundit/ Pas SHBA, reagon me shqetësim ambasada britanike. Ja mesazhi i fortë që jep

“Ju përfaqësoni krimin”/ Ndërpritet mbledhja e Sekretariatit të Etikës, Noka përplaset me punonjësit