Një zyrtar iranian ka deklaruar se Donald Trump ka paraqitur një plan me 15 pika për përfundimin e konfliktit, por Irani i konsideron këto kërkesa “të tepruara”.
Sipas tij, Teherani nuk do të pranojë që Shtetet e Bashkuara të Amerikës të diktojë kohën e përfundimit të luftës, duke theksuar se çdo vendim do të merret vetëm në përputhje me interesat dhe kushtet e Iranit.
Përmes një ndërmjetësi, Irani ka paraqitur pesë kushte kryesore për t’i dhënë fund konfliktit:
- Ndalimi i sulmeve dhe atentateve
- Garanci konkrete për mosrikthim të agresionit
- Pagesa e dëmeve dhe reparacioneve të luftës
- Përfundimi i luftimeve në të gjitha frontet dhe për grupet aleate në rajon
- Njohje ndërkombëtare dhe garanci për kontrollin mbi Ngushtica e Hormuzit
Zhvillimet vijnë pasi Pakistani konfirmoi se Irani kishte marrë propozimin amerikan lidhur me konfliktin që përfshin Izraeli.
Ndërkohë, Trump ka deklaruar se Uashingtoni është në komunikim me “njerëzit e duhur” në Iran dhe se ekziston vullnet për një marrëveshje. Megjithatë, autoritetet iraniane e kanë mohuar vazhdimisht një gjë të tillë, madje një zëdhënës ushtarak ironizoi duke thënë se SHBA “po negocion me vetveten”.
Situata mbetet e tensionuar, ndërsa palët vijojnë qëndrimet e kundërta mbi rrugën drejt një armëpushimi.