Ashtu siç u raportua më herët anija “Libra” e cila u nis nga Brindisi me 40 emigrantë ka mbërritur në portin e Shëngjinit.
Siç duket edhe nga pamjet, ata kanë zbarkuar nën masa të forta sigurie me pranga në duar, teksa më pas kanë hipur në autobus për t’u transportuar drejt kampit të Gjadrit ku do të vendosen deri në riatdhesimin e tyre.
Bëhet fjalë për shtetas të kombësive të ndryshme, të mbërritur në CPR të Brindizit, ditët e fundit dhe për të cilët qeveria italiane ka vendosur transferimin në kampin në Shqipëri.
Vendimi erdhi pas miratimit të dekretit të 28 marsit, i cili lejon transferimin jo vetëm të azilkërkuesve të kapur në det, por edhe të migrantëve të parregullt, të cilëve komisioneri i policisë u ka dorëzuar dekretin e dëbimit dhe gjykata ka vendosur qëndrimin e tyre në qendrën e pritjes së azilkërkuesve.
