Kryeministri Edi Rama doli këtë të dielë, 12 janar në një deklaratë për mediat pas vendimit të SPAK që mbylli dosjen e hetimit për padinë e Gazment Bardhit lidhur me drogën në Xibrakë dhe tha se ka vërtetuar që Olsi Rama nuk është i përfshirë.
Ai paralajmëroi Gazment Bardhin se do e padisë për kallëzim të rremë. Një paralajmërim të tillë ia kishte dhënë disa javë më parë, kur tha se po priste vendimin e SPAK për vëllanë e tij Olsin. Nëse ky i fundit do gjendej i përfshirë, Rama tha se do ikte nga politika.
‘Nuk i besova syve’- Gazment Bardhi i habitur nga përgjigja e SPAK për Olsi Ramën: Njoftim qesharak
Por pas deklaratave të Ramës që tha sot se opozita vetëm ka shpifur ndaj tij prej vitesh, mes tyre edhe me akuzat për përdorim droge, të shumta kanë qenë reagimet në rrjetet sociale.
Në rubrikën “SY m’SY”, Rama iu përgjigj një prej komentuesve, i cili shprehej se hunda e kreut të qeverisë ishte e shtrembërt nga konsumi i lëndëve narkotike, duke thënë se këto të fundit janë pretendime nga “katran partia”, të cilat janë përsëritur mijëra herë duke u kthyer në lavazh truri për qytetarët.
Artikull me interes:
Kuvendi i Shqipërisë kursen 8 600 euro nga pagat e deputetëve rebelë (emrat)
“Të ka ikur hunda shtrembër, vetëm ti mos fol për drogë”– i shkruan komentuesi Ramës, ndësa ku i fundit i thotë se “po është e vërtetë që këtë kockën e hundës nuk e kam të drejtë. Kjo sepse ajo katranpartia që ta ka mbushur mendjen se jam drogaxhi, ma ka thyer hundën bashkë me kafkën mbrapa. Më ka carë dhe buzën, me leva dhe doreza hekuri”.
Ndër të tjera kreu i qeverisë këshillon komentuesin të mos përdoret si “top balte” në luftën për pushtet të disa të tjerëve.
Olsi Rama rezultoi i pafajshëm/ A do të dënohet Gazment Bardhi? Ja çfarë zbulon avokati
“E vërtetë që këtë kockën e hundës nuk e kam të drejtë sepse ajo katran partia që ta ka mbushur mendjen se jam drogaxhi siç e shkruan, duke ta përsëritur mijëra herë derisa shpifja të duket sikur është e vërtetë, ku quhet lavazh truri, ma ka thyer hundën bashkë me kafkën këtu mbrapa dhe më ka çarë edhe buzën me leva dhe doreza hekuri.
Dhe ja po të tregoj se ti me siguri je i ri dhe mbase s’e ke idenë e piramidave të Sudes dhe Rrapushit që u grabitën shqiptarëve të tëra kursimet me bekimin e katranit të madh të asaj partie që të ka mësuar edhe ty si të tjerë që të thuash se jam drogaxhi.
Ishte viti ‘97 dhe mblidhja firma nga shoqëria civile për një peticion për dorëheqjen e qeverisë së asaj kohe që të shmangej ajo katastrofë që erdhi më pas kur më dolën pritë, poshtë shtëpisë në mes të errësirës dhe të baltës së tmerrshme të dimrit.
Ishte janar si tani dhe më lanë rrugë mbuluar me gjak dhe më pas të nesërmen doli një klloun i katran partisë si puna e Gazment ziut të sotëm dhe tha duke qenë sherr për punë të ndonjë femre. Nuk ka më keq se sa të thuash për tifozllëk politik fluturon gomari duke u përdorur si një top balte në luftën e pistë për pushtet të disa të tjerëve.
Ti as më njeh, as më ke parë duke marrë drogë, as ndonjë provë dhe unë vetë skam asgjë me ty. Nuk është çudi fare që të jesh djalë i mirë por një gjë ma dëgjo për veten tënde se s’ka nevojë as të më duash dhe as të votosh për mua që të jesh dinjitoz dhe të respektosh veten.
Sa më shumë ta respektojnë veten e tyre njerëzit e zakonshëm si ti, duke mos imituar këtë modelin e katran politikës verbërisht në stadium por duke ruajtur dinjitetin edhe në kundërshti, aq më shumë shtohen shancet që kjo politike turpi për Shqipërinë, një turp me sharje e shpifje si kund tjetër në Ballkan, t’i hiqet më në fund që shoqërisë dhe ta ketë edhe Shqipëria një opozitë dinjitoze dhe jo një çetë sharjesh e shpifjesh si kjo këtu që s’ka jo thjesht skuadër në program”, u shpreh Rama.