Një operacion i përbashkët i Administratës Tatimore dhe strukturave të Ministrisë së Bujqësisë ka zbuluar një skandal fiskal në periferi të Tiranës. Një subjekt i angazhuar në tregtimin dhe prodhimin e produkteve blegtorale kishte fshehur detyrime tatimore në vlerën marramendëse prej 10 milionë eurosh, vetëm në dy vitet e fundit.
Drejtoria e Përgjithshme e Tatimeve theksoi se nuk do të ketë tolerim ndaj rasteve të tilla, duke paralajmëruar se kontrollet e fokusuara do të vijojnë për të goditur çdo biznes që operon jashtë ligjit.
Institucioni u bëri thirrje subjekteve të respektojnë detyrimet ligjore, duke theksuar se formalizimi i tregut është thelbësor jo vetëm për konkurrencën e ndershme, por edhe për sigurinë ushqimore.
Ndërkohë, qytetarët ftohen të denoncojnë çdo shkelje që rrezikon shëndetin publik dhe integritetin e tregut.