Në një moment të rëndësishëm për rajonin e Kaukazit Jugor, kryeministri i Armenisë, Nikol Pashinyan, dhe presidenti i Azerbajxhanit, Ilham Aliyev, janë takuar të enjten në Abu Dhabi, për të diskutuar hapat finalë drejt nënshkrimit të marrëveshjes së paqes mes dy vendeve.
Ky është takimi i parë zyrtar bilateral që prej dakordësimit për një draft marrëveshjeje, e cila synon të mbyllë një konflikt që ka zgjatur thuajse katër dekada dhe ka shkaktuar mijëra viktima dhe zhvendosje masive.
Për herë të parë pa Rusinë në tavolinë
Ndryshe nga raundet e mëparshme të negociatave, takimi në Abu Dhabi u zhvillua pa praninë ose ndërmjetësimin e Rusisë. Kjo është një ndryshim domethënës, duke pasur parasysh rolin tradicional të Moskës si faktor qendror në menaxhimin e krizës së Karabakut.
Të dyja palët – si Baku, ashtu edhe Jerevani – kanë sinjalizuar qartazi një largim strategjik nga ndikimi rus, i motivuar nga pakënaqësitë e viteve të fundit dhe përkeqësimi i marrëdhënieve bilaterale me Kremlinin.
Përjashtimi i Rusisë nga procesi është një mesazh i qartë për ndryshimin e rendit rajonal. Moska, e angazhuar thellësisht në luftën në Ukrainë, po humbet ndikimin tradicional në hapësirën post-sovjetike, veçanërisht në Kaukazin Jugor.
Ky proces ka marrë vrull pas fushatës ushtarake të Azerbajxhanit në shtator 2023, e cila çoi në marrjen e kontrollit të plotë mbi Nagorno-Karabakun, një rajon që ishte zemra e konfliktit.
Takimit i parapriu edhe një takim mes Pashinyanit dhe presidentit turk, Recep Tayyip Erdogan, që sinjalizon një përpjekje më të gjerë për normalizim në rajon.
Aliyev and Pashinyan held their first meeting since the Karabakh war — and agreed on a peace treaty text
The talks in Abu Dhabi have concluded, with both sides confirming their readiness to sign a peace agreement and outlining the key terms. Among the main points:
Peace… pic.twitter.com/c4XIXLHIC4
— NEXTA (@nexta_tv) July 10, 2025