Mirlind Daku ishte lojtari më i kërkuar i Kombëtares në merkaton e verës së kaluar. Kjo pasi kontrata me Rubin Kazan po shkonte drejt fundit. Megjithatë, në fund përfundoi duke rinovuar me klubin rus deri në vitin 2029.
Tashmë është zbuluar se agjencia që menaxhon Dakun po punon për një transferim në Bundesligë. Në elitën e futbollit gjerman, e kanë ofruar pikërisht në tre klube.
Emrat janë zbuluar dhe bëhet fjalë për Augsburg, Mainz dhe Hamburg. Për Dakun interesi mbetet i lartë, megjithatë transferimi gjatë merkatos së janarit nuk po shikohet aktualisht si opsion. Vera shikohet si dritarja e duhur e transferimit për t’u larguar.
Sulmuesi i lindur në Gjilan numëron 35 gola dhe 13 asistime në 84 paraqitjet me Rubinin. Fokusi është që të mbyllë me sukses pjesën e mbetur të sezonit./PanoramaSport