FlLORIDA– Në një plazh në Florida është gjetur një sasi e madhe kokaine, pas stuhisë Debby që përfshiu vendin.
Patrulla Kufitare e SHBA tha se një person gjeti paketimet që përmbanin 32 kg drogë, e cila kap vlerën e 1 mln dollarëve.
Ndërkohë akoma nuk dihet saktësisht se ku u gjet droga, por autoritetet kanë shpërndarë foto të kokainës së paketuar me një trekëndësh të kuq në etiketë.
Qytetari që ishte në plazh, e gjeti pakon të mbështjellë brenda një qeseje të zezë midis algave të detit, gjetheve dhe mbeturinave të tjera.
Droga shpërndahet shpesh në plazhet jugore të Floridës dhe ujërat përreth ndërsa kontrabandistët trafikojnë substanca nga Amerika e Jugut në SHBA. Stuhia Debby zbarkoi në SHBA të hënën në mëngjes, duke lënë 4 të vdekur në Florida./Fox35orlando
