TIRANË– Kryeparlamentarja, Elisa Spiropali përcolli një mesazh urimi për të gjithë besimtarët e krishterë me rastin e festës së Pashkës.
Spiropali u shpreh se dita e sotme është një mesazh për të gjitha ata që duan të gjejnë tek kjo ditë forcën për të vazhduar përpara me më shumë mund, më shumë punë e dashuri për njëri tjetrin. Gjithashtu ajo shtoi se kishte një mesazh edhe për politikën, e cila sipas saj duhet të shkojë përtej ndasive të vjetra dhe të punojnë më shumë për njerëzit.
“Ne kemi traditën e bukur që festat i ndajmë bashkë, të gjithë bëhemi bashkë për më shumë mesazhe shprese ashka është e bekuar sepse simbolizon fitoren e jetës mbi vdekjen, e dritës mbi errësirën e dashurisë mbi urrejtjen. Është një mesazh për të gjitha ata që duan të gjejnë tek kjo ditë forcën për të vazhduar përpara me më shumë mund, më shumë punë e dashuri për njëri tjetrin. Por mbi të gjitha është një mesazh shpresë për të pamundurit, ata që Jezusi i donte më shumë. Për fëmijët, për të moshuarit, për të varfrit, për ata që duan të gjejnë tek kjo ditë e bukur shpresën për më mirë. Është edhe një mesazh për politikën që të shkojë përtej ndasive të vjetra, përtej mesazheve që helmojnë dhe përçajnë dhe për të dhënë mesazhe shpresë. Vërtet kemi mendime të ndryshme, por duhet të punojmë më shumë për njerëzit dhe duhet të japim mesazhe që njerëzit i afrojnë me njëri tjetrin.”-deklaroi Spiropali./Radar.al
Rozana Radi pas humbjes përballë Gjestit: E lumtur që fitoi, një rrugëtim i denjë deri në fund