Gjatë një koncerti në Carbonia të Sardenjës, këngëtari i famshëm italian Albano Carrisi u përball me një situatë të papritur kur një zonjë në audiencë humbi ndjenjat. Për të zgjuar gruan, Albano luajti nota të larta muzikore, por pastaj nuk ngurroi t’i jepte edhe një këshillë jo të zakonshme nutricioniste.
“Deborah, nuk dua të shtoj asgjë tjetër. Një dietë do të të bënte mirë,” i tha këngëtari. Pak më vonë, kur gruaja u mor nën kujdesin e stafit mjekësor, Albano e përfundoi situatën me një “të duam”.
Ndërsa koncerti vazhdoi pa probleme, reagimet në mediat sociale ishin të përziera, me shumë që kritikonin komentet e këngëtarit për formën fizike të spektatores, duke ngritur debate mbi mënyrën e trajtimit të situatave të tilla në publik.