TIRANË– Lara Colturi, skiatorja italiane që përfaqësonte Shqipërinë, ka dorëzuar zyrtarisht një kërkesë në Komitetin Olimpik Ndërkombëtar për të braktisur përfaqësimin e Shqipërisë dhe për t’iu rikthyer vendit të saj të lindjes, Italisë.
Vendimi pritet të merret deri më 1 Maj, ndërkohë motivi kryesor i këtij largimi është mungesa e mbështetjes financiare dhe infrastrukturore nga shteti shqiptar.
Colturi, ka qenë pjesë e ekipit kuqezi për katër vite me radhë, duke sjellë rezultate të shkëlqyera dhe ngritur flamurin shqiptar në arenën ndërkombëtare. Në Kupën e Botës që u mbajt së fundmi, ajo arriti të ngjitej 3 herë në podium dhe u rendit e 7-ta në klasifikimin përfundimtar.
Kujtojmë se ky s’është rasti i parë ku sportistët shqiptarë jane hasur në pengesa të tilla./Radar.al
9-vjeçari me dy krahët e prera/ Kjo është fotoja e vitit, e zgjedhur nga World Press Photo!