Konferenca e Kryetarëve miratoi sot projektplanin e veprimit të Kuvendit për zbatimin e rekomandimeve të raportit të Komisionit Europian për Shqipërinë për vitin 2025.
Gjatë mbledhjes u shqyrtua gjithashtu projektprogrami i punës së Kuvendit për periudhën 19 janar 2026 – 27 shkurt 2026, si edhe projektkalendari i punimeve për periudhën 19 janar 2026 – 6 shkurt 2026.
Pas diskutimeve mes palëve, Konferenca e Kryetarëve nuk arriti dakordësi, ndaj projektkalendari i punimeve iu përcoll për votim seancës plenare.
Në të njëjtën mbledhje u shqyrtua edhe projektkalendari i kontrollit parlamentar të Kuvendit, i cili përfshin agjendën vjetore të kontrollit dhe mbikëqyrjes parlamentare ndaj institucioneve të pavarura dhe agjencive ligjzbatuese. Edhe për këtë çështje, mungesa e mirëkuptimit mes anëtarëve bëri që vendimmarrja t’i kalojë seancës plenare.