TIRANË– Kryeministri Edi Rama sot në komunikimin live me qytetarët ka thënë se primaret e PD-së vërtetuan se opozita është “një kënetë” e drejtuar nga një ‘buf’ duke iu referuar Sali Berishës dhe se demokratët duhet të hapin sytë për ta larguar këtë të fundit.
Ndërsa më tej Rama mori shembull të rinjtë e FRPD-së në Vlorë që braktisën Berishën dhe iu bashkuan socialistëve.
“Do të flas për bufin e kënetës deri në 9 maj që është dhe dita e Europës dhe finishi i bie pragut të dëgjojë dera. Se po ti biesh asaj dere nuk hapet, flas për ata të shurdhuar që nuk shohin se nuk kanë një lider, por një buf kënete. E tregoi shumë qartë praktika shumë hipokrite, skuthe e pabesë e primareve. Sa e sa demokratë besuan se ju erdhi dita të vlerësohen për atë që janë, u zhgënjyen se u përdorën për një propagandë hipokrite dhe u lanë jashtë. Simboli i tyre është fituesi i primareve të Tiranës, kryetari i Partisë së Tiranës që as nuk e njoh dhe s’kam dyshim që është kundër meje, por fitoi dhe e hodhën jashtë. Doli i pari dhe nuk gjendet kund në listë. Këtë kanë votuar vajzat dhe djemtë e forumit rinor të PD-së Vlorë që masivisht u shkëputën dhe u bashkuan me mua dhe kanë një person që i përfaqëson, pedagogia Zamira, për të arritur një qëllim shumë më të madh. Ata nuk janë socialist, mund të mos bëhen kurrë socialist por janë pjesë e jona. Shqipëria që duam në BE është përtej ndasive, ndarjeve e ideologjive.”-Rama./Radar.al
E telefonon gjatë live-t, çfarë bisedoi Rama me Taulant Ballën