Mesfushori Medon Berisha po kalonte një sezon të shkëlqyer me Leçen deri në dhjetor, por një dëmtim i pësuar në sfidën ndaj Pizës e ka mbajtur jashtë fushës për tre muaj. Rikthimi i tij ishte i planifikuar për fillimin e shkurtit, por komplikimet shtrinë kohën e rikuperimit më shumë se sa pritej.
Sipas informacioneve të fundit nga Leçe, Berisha do të humbasë edhe ndeshjet ndaj Kremonezes dhe Napolit. Rikthimi i tij në stol pritet për sfidën ndaj Romës, më 22 mars, ndërsa plotësisht në dispozicion për ekipin do të jetë më 4 prill, në përballjen me Atalantën.
Ky zhvillim do të thotë se Berisha do të humbasë mundësinë për të kontribuar te Kombëtarja në fazën “play-off” të Botërorit, duke prishur planifikimet e trajnerit Silvinjo.
Megjithatë, mundësia që Berisha të grumbullohet për Kombëtaren nuk përjashtohet, megjithëse në Itali akoma po presin rikuperimin e plotë të tij.