LUSHNJE-Një shpërthim i fortë me lëndë plasëse ka tronditur lagjen Gafurr Muça në Lushnjë gjatë orëve të para të mëngjesit.
Bëhet me dije se ngjarja ka ndodhur në katin e parë të një pallati, ku ishte vendosur një sasi tritoli në hyrje të banesës së Shaqe Gjatës, nënës së Klea Gjatës, e njohur si e dashura e Laert Haxhiut, një emër i përfolur për lidhje me botën e krimit.
Nga informacionet paraprake mësohet se shpërthimi ka shkaktuar dëme të mëdha materiale në banesë, në fasadën e pallatit, dhe në disa automjete të parkuara pranë. Fatmirësisht nuk raportohet për të lënduar, por banorët e pallatit janë tronditur nga fuqia e shpërthimit./Radar.al