Ndeshja e futbollit mes Atletico Nacional dhe Junior u kthye në kaos. Kjo pasi në tribunë pati përleshje të dhunshme mes tifozëve.
Situata u përshkallëzua aq keq sa policia raportoi për më shumë se 20 të plagosur.
Shumica patën lëndime nga goditjet me thikë.
Trazirat nisën në minutën e 56-të, pak pasi vendasit shënuan golin e dytë. Rreth 300 tifozë të Junior de Barranquilla filluan të sulmojnë me tifozët e Atletico Nacional.
Si kundërpërgjigje, tifozët vendas kanë reaguar dhunshëm, duke u mbrojtur në një skenë kaotike. Niveli i dhunës bëri që arbitri të pezullonte ndeshjen në minutën e 60-të.
Të plagosurit u trajtuan menjëherë në stadium përpara se të transferoheshin në spitalet aty pranë.
Ndjenja e pasigurisë brenda stadiumit ishte aq e fortë sa dhuna u përhap në fushë, duke detyruar lojtarët e të dyja skuadrave të vrapojnë për siguri në dhomat e zhveshjes.