Policia e Tiranës ka finalizuar operacionin e koduar “Zona”, duke arrestuar në flagrancë një 49-vjeçar, i cili u kap gjatë tentativës për të vjedhur me dhunë një shumë parash në një banesë në Farkë.
Shtetasi L. D. (H.), banues në Tiranë, u ndalua pas ndërhyrjes së menjëhershme të shërbimeve të Komisariatit Nr. 1, pas një njoftimi për hyrje të paautorizuar në një banesë në zonë.
Gjatë kontrollit, Policia sekuestroi shumën e parave të cilën autori po tentonte të merrte. Nga hetimet rezultoi se 49-vjeçari ishte autori edhe i një tjetër vjedhjeje të ndodhur katër ditë më parë, më 19 korrik 2025, në një tjetër banesë në Farkë, ku kishte marrë sende me vlerë.
Vijojnë hetimet për të zbuluar nëse ai është i përfshirë në raste të tjera vjedhjesh. Materialet procedurale i janë referuar Prokurorisë së Tiranës për veprime të mëtejshme.