Skiatorja shqiptare Lara Colturi bëri një debutim të jashtëzakonshëm në Lojërat Olimpike Dimërore Milano Cortina 2026, duke u renditur e katërta në zbritjen e parë të garës së slalomit gjigant. Ajo përshkoi pistën me kohën 1 minutë 3 sekonda e 97 të qindtat, duke mbajtur gjallë shpresat për një medalje olimpike.
Colturi regjistroi të njëjtën kohë me Sara Hector dhe Thea Louise Stjernesund, ndërsa la pas emra të mëdhenj të skive botërore si Mikaela Shiffrin dhe Camille Rast.
Në të njëjtën garë mori pjesë edhe Semire Dauti, e cila e mbylli zbritjen e parë me kohën 1 minutë 10 sekonda e 95 të qindtat, duke u renditur e pesta dhe duke siguruar pjesëmarrjen në zbritjen e dytë.
E pafat ishte skiatorja nga Kosova, Kiana Kryeziu, e cila gaboi në zbritjen e parë dhe nuk arriti ta përfundonte garën, duke u skualifikuar.
Tre vendet e para në këtë zbritje u siguruan nga italianet Federica Brignone dhe Sofia Goggia, si dhe nga gjermania Lena Duerr, që kryesuan renditjen përpara zbritjes vendimtare.