Një automjet u aksidentua mesditën e të enjtes në Elbasan, e si pasojë është përmbysur në trotuar.
Mësohet se aksidenti ndodhi në bulevardin kryesor të qytetit, ku makina ishte duke lëvizur me shpejtësi të lartë.
Në një moment shoferi ka humbur kontrolli ne mjetit duke përfunduar në trotuar, aty ku dhe është përmbysur.
Fatmirësisht si pasojë e aksidentit nuk ka pasur pasoja në jetë dhe shoferi ka shpëtuar vetëm me disa dëmtime të lehta. Megjithatë, nga dalja nga rruga është rrezikuar jeta e kalimtarëve që po qarkullonin në bulevard.
Policia po punon për të përcaktuar shkakun e aksidentit dhe do kryejë testin e alkolit ndaj drejtuesit të automjetit të përfshirë në këtë aksident.