Marsel Baçi dhe Selam Hyka, të dyshuarit për abuzimin seksual të një 16-vjeçareje, priten që sot të dalin në orën 13:00 para Gjykatës së Korçës për t’u njohur me masën e sigurisë.
Sipas burimeve nga grupet hetimore mësohet se 16-vjeçarja nga fshati Leminot kishte krijuar një grup në rrjetet sociale ku komunikonte me disa meshkuj.
I akuzuari për shfrytëzim prostitucioni Marsel Baçi ka pranuar për grupin e hetimit se ka kryer marrëdhënie seksuale me 16-vjeçaren, por sipas tij çdo gjë ka ndodhur me dëshirën e vajzës.
Adoleshentja pak ditë më parë akuzoi Baçin dhe Hykën për shfrytëzim prostitucioni dhe marrëdhënie seksuale me dhunë.
Nëna e minorenes është shprehur se grupi që ka kryer marrëdhënie seksuale me vajzën e saj mendohet të përbëhet nga më shumë se dy persona.
Nga ana tjetër familjarët e Marsel Baçit pranojnë komunikimin prej disa kohësh të djalit të tyre me vajzën minorene ndërsafamilja Hyka kanë kundërshtuar faktin se Selam Hyka të ketë kryer marrëdhënie seksuale me dhunë me minorenen.