Autoriteti Italian i Konkurrencës (AGCM) ka gjobitur me 1 milion euro kompaninë e modës Shein, për mesazhe mashtruese mbi ndikimin mjedisor të produkteve të saj.
Sipas hetimit, pretendimet për qëndrueshmëri, riciklim dhe etikë sociale në koleksionin “evoluSHEIN by design” ishin të paqarta dhe në disa raste të rreme, duke çuar konsumatorët në konkluzione të gabuara.
Ky është sanksioni i dytë i rëndë ndaj Shein në Europë, pas gjobës prej 40 milionë eurosh në Francë pak javë më parë për reklama të rreme dhe mashtrime në çmime.
Shein ka deklaruar se po bashkëpunon me autoritetet dhe do të përmirësojë transparencën në komunikimet për produktet e saj.