Teknologu ushqimor Abdyl Sinani, ka treguar disa detaje dhe sekrete që amvisat duhet t’i dinë përpara se të gatuajnë gjelin e detit, mbretin e tryezës për festat e fundvitit.
Sipas tij, gjeli i detit është njëlloj si gjithë mishrat e tjerë dhe nëse vjen i therur dhe i grirë, detyrimisht nuk duhet futur më në ngrirje por duhet mbajtur për konsum direkt, në frigorifer në 4 gradë.
Ai tha se gjelat që vijnë nga marketi vijnë nga jashtë më shumë dhe me ta duhet kujdes i madh.
“Kur i jep ushqim jo ullinj dhe misër që i fryn, se janë ushqime natyrale. Por kur u jep ushqime të gatuara që vijnë nga jashtë ka problem.
Gjeli i gjallë, është më ndryshe, po të jetë i importit, therin pa mbarim dhe i dërgojnë tek ne, këtu ka rrezik. Këshilloj të marrim gjel të gjallë.
Gjelin sa e ther do e fusësh në 4 gradë për tre ditë, nëse nuk e konsumon për kaq ditë, do e fusësh në minus 18 gradë dhe mund ta ruash deri në gjashtë muaj.
Dhjamin që ka gjeli e ka tamam. Shpendët kanë një yndyrë që nuk e kanë si delja dhe lopa me acide shumë të ngopur të cilat krijojnë pllakëzat e kolesterolit dhe bllokojnë arteriet.
Gjeli i detit e ka më pak kolesterolin. Ne si konsumatorë duhet të zbatojmë rregullat minimale, higjiena, futja në frigorifer 24 orë minimumi para gatimit në 4 gradë dhe më pas mund të gatuhet” tha ai në emisionin “Zgjohu me MCN”.