Në Gjykatën e Korçës pritet të zhvillohet sot seanca për caktimin e masës së sigurisë për personat e arrestuar në lidhje me ngjarjen tragjike në Maliq, ku u vra një adoleshent 14-vjeçar.
Të arrestuarit kanë mbërritur në ambientet e gjykatës, ndërsa jashtë saj vihet re prani e shtuar e qytetarëve dhe forcave të policisë, për të shmangur çdo incident.
Në total, tetë persona u arrestuan për këtë ngjarje, mes tyre edhe bashkëmoshatari i viktimës, 14-vjeçari që dyshohet si autor i krimit. Pas kryerjes së vrasjes, ai tentoi të largohej nga vendi i ngjarjes me një automjet, por u kap nga policia.
Ngjarja e rëndë, që ka tronditur opinionin publik, pritet të marrë sot një zhvillim të ri me vendimin e gjykatës për masën e sigurisë ndaj të arrestuarve.