Reperi amerikan Poorstacy (Carlito Milfort Jr.) ka humbur jetën në moshën 26-vjeçare pas një incidenti të ndodhur të shtunën në Boca Raton, Florida. Lajmi u konfirmua nga Policia e Boca Raton, ndërsa TMZ raportoi i pari ngjarjen. Shkaku i vdekjes mbetet i panjohur, pasi autoritetet nuk kanë bërë ende të ditur detaje të incidentit.
Një ambulancë u thirr në një hotel lokal, ku reperi po qëndronte prej dhjetë ditësh së bashku me bashkëshorten dhe fëmijën. Ai u dërgua me urgjencë në spital, por nuk arriti të mbijetonte.
Poorstacy ishte bërë i njohur për ndërthurjen e emo rap, hip hop, punk rock dhe heavy metal, si dhe për bashkëpunimet me emra të mëdhenj të muzikës. Një nga partneritetet e tij më të spikatura ishte me Travis Barker të Blink-182, me të cilin punoi në këngë si “Choose Life” dhe “Nothing Left”.
Pas lajmit të trishtë, Barker i bëri homazh në Instagram: “U prehsh në paqe, nuk do të të harrojmë kurrë”, duke ndarë edhe pamje nga performancat e tyre të përbashkëta.
Poorstacy ka kontribuar edhe në kinematografi, duke qenë pjesë e kolonës zanore të filmit “Bill & Ted Face the Music” (2020), i cili një vit më vonë u nominua për çmim Grammy.