Tensione të forta janë shënuar në qendrën për emigrantët në Gjadër, ku janë strehuar 40 shtetas të riatdhesuar nga Italia. Një grup prej 20 emigrantësh shpërthyen në protesta të dhunshme, duke shkatërruar dhomat, thyer xhama dhe dëmtuar mobiliet, duke shkaktuar kaos në qendër.
Situata u përshkallëzua më tej, kur tre prej tyre i shkaktuan vetes plagë me thikë në shenjë proteste, duke kërkuar ndihmë mjekësore. Fatmirësisht, asnjëri prej tyre nuk është në gjendje të rëndë.
Sipas autoriteteve italiane, emigrantët nuk janë persona të zakonshëm, por të akuzuar apo dënuar për vepra të rënda penale si tentativa për vrasje, dhunë seksuale, trafik droge, pornografi me fëmijë dhe grabitje.
Ministri i Brendshëm i Italisë, Matteo Piantedosi, theksoi se riatdhesimi i tyre është pjesë e një procesi ligjor të bazuar në urdhra dëbimi, dhe shtoi se një prej emigrantëve, të cilit iu anulua urdhri, është rikthyer tashmë në Itali.