Këshilli i Bashkimit Europian miratoi sot çeljen e negociatave për tetë kapituj të rinj nga grup-kapitulli 3, që përfshin fusha si arsimi, digjitalizimi, punësimi, politika ekonomike, tatimet dhe inovacioni.
Kryeministri Edi Rama ndau në rrjetet sociale foto nga delegacioni shqiptar në Bruksel, duke theksuar se “rruga drejt Shqipërisë 2030 vazhdon pa ndalim”.
Ai vuri në dukje se në vetëm 8 muaj janë hapur negociatat për 24 kapituj, ndërsa mbeten vetëm 11 të tjerë për t’u përmbyllur.
“Ky është një ritëm shumë i shpejtë që tregon përparimin e vendit dhe mbështetjen e fortë të Bashkimit Europian për arritjen e qëllimit tonë të përbashkët: përfundimin e negociatave deri në vitin 2027”, tha Rama.