TIRANË- Nga ndryshimet e bëra sot, nga Kryeministri Edi Rama, Taulant Balla nuk do të jetë më Ministër i Brendshëm, ai do të marrë postin e Ministrit të Shtetit për Marrëdhënien me Parlamentin, post i cili është mbajtur deri më tani nga Elisa Spiropali. Por postin e Ministrit të Brendshëm pritet ta marrë Ervin Hoxha.
Ndërsa Elisa Spiropali ka marrë detyrën e Kryetares së Kuvendit, post i cili është mbajtur për 3 vite nga Lindita Nikolla. Zëvendës kryetar i Kuvendit do të jetë Bledi Çuçi.
Më tej Rama njoftoi se Niko Peleshi nuk do të jetë më Ministër i Mbrojtjes, por këtë post do e drejtojë Pirro Vengu. Peleshi nga sot do të jetë kryetar i Grupit Parlamentar të Partisë Socialiste, duke zëvendësuar kështu Bledi Çuçin.
NDRYSHIMET:
Taulant Balla – Ministër Shteti për Marrëdhënien me Parlamentin
Elisa Spiropali- Kryetare Kuvendi
Bledi Çuçi- Zv.Kryetar Kuvendi
Petrit Malaj – Ministër i Financave
Ervin Hoxha- Ministër i Brendshëm
Pirro Vëngu- Ministër i Mbrojtjes
Niko Peleshi – Kryetar i Grupit Parlamentar të PS