Një 46-vjeçar me banim në Itali është vënë nën ndjekje penale nga autoritetet në Lezhë, pasi dyshohet se ka shkelur fshehtësinë e votimit.
Sipas Policisë, pas hedhjes së votës, ai ka regjistruar dhe publikuar në rrjetin social TikTok një video ku shfaqet duke plotësuar fletën e votimit.
Specialistët për Hetimin e Krimeve Ekonomiko-Financiare kanë referuar materialet në Prokurorinë e Lezhës, ndërsa procedurat ndaj shtetasit vijojnë në gjendje të lirë.