TIRANË– Ministria e Shëndetësisë dhe Mirëqenies Sociale ka bërë me dije se në orët e mbrëmjes së djeshme në Spitalin Universitar të Traumës dhe Spitalin Universitar “Nënë Tereza” janë paraqitur 21 persona.
Sipas ministrisë, 19 prej tyre ishin efektivë të Policisë së Shtetit, deputeti i Partisë Demokratike Bledion Nallbati dhe një qytetar. Ministria e Shëndetësisë lajmëron se deputeti është larguar nga spitali pasi ka marrë trajimin e nevojshëm.
Ministria e Shëndetësisë:
“Në Urgjencën e Spitalit Universitar të Traumës janë paraqitur 10 efektivë policie, deputeti Bledion Nallbati dhe një qytetar. Ata kanë marrë ndihmën mjekësore sipas protokolleve respektive, të pritur nga ekipi mjekësor multidisiplinar. Pas trajtimit, 9 efektivë janë larguar nga spitali, sipas këshillave të mjekut dhe një prej efektivëve është dërguar në QSUNT në Shërbimin e Toksikologjisë, për shkak të problemeve me frymëmarrjen./Radar.al