Bashkimi Evropian po shqyrton një iniciativë të re që parashikon krijimin e një vize pune 12-mujore për të rinjtë e moshës 18 deri në 30 vjeç, me synimin për të rinovuar marrëdhëniet me Britaninë e Madhe, pothuajse një dekadë pas vendimit të saj për t’u larguar nga BE.
Sipas “The Guardian”, Brukseli është i gatshëm të bëjë disa kompromisе për të mundësuar lëvizjen e lirë dhe punësimin e përkohshëm të të rinjve mes BE-së dhe Britanisë. Propozimi parashikon që qytetarët e rinj evropianë dhe britanikë të kenë mundësinë të jetojnë dhe punojnë përkohësisht në të dy anët e kanalit La Manche.
Edhe pse ideja u hodh fillimisht në prill 2024 dhe u refuzua atëherë nga të dyja palët politike në Mbretërinë e Bashkuar, ajo është rikthyer sërish në diskutim, këtë herë me mbështetjen e disa prej vendeve më të rëndësishme të BE-së, përfshirë Francën, Gjermaninë, Spanjën dhe Italinë.
Programi synon të ofrojë një mundësi për përvojë ndërkombëtare pa u klasifikuar si emigrim i zakonshëm, gjë që e bën më të pranueshme për politikën e imigracionit të Britanisë pas Brexit-it