Teksa mban mbi shpinë një karrierë me më shumë se 6 dekada në auditorët e Fakultetit të Drejtësisë dhe mbi shtatë në kërkimin shkencor, Prof. Dr. Ismet Elezi feston 105-vjetorin e tij të lindjes.
Një nga njerëzit me vlera më të spikatura në vend dhe jo vetëm, ai vazhdon të qëndrojë i palëkundur në misionin e tij për të ruajtur dhe përcjellë idealet më të larta të drejtësisë shqiptare.
“Mund të bëhesh teoricien i përkryer por nëse humbet nderin ka marrë fund edhe kultura edhe të gjithë të tjerat. E vlerësoj se është primare për të gjithë shqiptarët nga veriu në jug. Ndershmëria është faktori nr 1 i luftës kundër korrupsionit, narkotikëve dhe kriminalitetit, veçanërisht korrupsionit, kjo duhet të skalitet në mendjen e juristëve që të funksionojë shteti”, u shpreh Prof.Dr Ismet Elezi.
Në ceremoninë e organizuar për nder të tij, personalitete të njohura të vendit shprehën mirënjohjen për kontributin e jashtëzakonshëm.
Ismet Elezi është autor i mbi 400 shkrimeve dhe botimeve, ndër të cilat spikasin e drejta penale, komentari i kodit penal dhe e drejta zakonore penale.
Si dhe për profesionalizmin dhe përkushtimin e tij në punë së fundmi është nderuar me shumë tituj prestigjiozë.