BRITANI E MADHE– Policia e Londrës ka zbuluar se po heton “aktivisht” akuzat që lidhen me Princin Andrew.
Ky i fundit dyshohet se ka urdhëruar truprojën e tij të mbledhë informacione personale mbi Virginia Giuffre, akuzuesen e tij në çështjen e abuzimit seksual.
Bazuar në email-et e publikuara nga Mail on Sunday, Princi Andrew dyshohet se ka dhënë detaje të ndjeshme, si data e lindjes dhe numri i sigurimeve sociale të Giuffre, të cilat mund të kenë lidhje me sistemin britanik të sigurimeve.
David Davies, ish-shef i Royal Protection Command të Scotland Yard, ka kërkuar që ekipi që ka mbrojtur Princin Andreë të intervistohet dhe të zbardhet e vërteta. Ai e cilësoi këtë hetim si një mundësi për të vërtetuar faktet dhe për të siguruar që autoritetet po e kryejnë punën e tyre siç duhet.
Provat tregojnë se Andrew ka përfshirë ndihmës të mbretëreshës së ndjerë, duke tentuar të mbledhë informacione që mund të dëmtonin reputacionin e Giuffre.
Gjashtë vjet më parë, në vitin 2019 në një intervistë për BBC, Princi Andrew deklaroi se nuk e mbante mend të kishte takuar Virginia Giuffre, megjithatë ai pranon mundësinë e një takimi./THEGUARDIAN/ Radar.al