Kreu i Komisionit të Media, Erion Braçe u shpreh në Kuvend se së fundmi ka mbërritur një listë me media online dhe ato tradicionale të cilat bien pre apo vendosen në dispozicion të vendeve që ai i cilëson si armiqësore.
Gjatë raportimit të kreut të AKSHI-t Karçanaj e shefes së SHISH-it Vlora Hyseni, socialisti dëshmon se vendi do duhet të hyjë në rrugën e formalizimit të medias duke qenë është i zbuluar për sa i përket dezinformimit e ndërhyrjeve armiqësore.
“Na vjen mirë që të gjitha institucionet janë ndergjegjësuar sa i takon sulmeve kibernetike dhe po shpenzohet vecanërisht në teknologji dhe burime njerëzore për tu përballur me këtë fenomen. Nga pikëpamja e legjislacionit ne jemi komplet të zbuluar, nuk gjen asnjë ligj që të adresojë dezinformimin, ndërhyrjet malinje. Dhe do të duhet të hymë në këtë linjë, edhe të formalizimit të medias. Unë po ju referoj ekspertëve të SHISH që kanë bërë këtë analizë. Në informacionin që ka ardhur pranë Komisionit të Posaçëm të Kuvendit ka një listë të gjatë që bien pre, ashtu sic ka dhe një listë të gjatë tjetër që vihen në dispozicion. Media online që vihen në dispozicion. Apo media trandicionale audiovizive që bien pre e një dezinformimi se nuk bëjnë atë që është themelore verifikimi i fakteve” u shpreh Braçe.