Qindra efektivë do të angazhohen në mbikëqyrjen e ditës së zgjehdjeve parlamentare që do të zhvillohen më 11 maj.
Fokusi i mbikëqyrjes mësohet se do të jetë vota dhe dokumentimi i çdo rasti të shitjes apo fotografimit të saj merr penalizim.
Agron Çeli, i cili zoton postin e drejtorit të Rendit Publik në Policinë e Shtetit në një intervistë për A2 CNN zbuloi se si forcat e rendit do të ndërhyjnë në rast të problematikave jashtë dhe brenda qendrave të votimit në zgjedhjet e 11 Majit.
Sipas ligjit përcaktohet që efektivët e policisë do të dislokohen 150 metër larg QV-ve, ndërsa Çeli nënvizoi se çdo paligjshmëri si fotografim i votës apo të tjera, do të ndëshkohen.
“Asnjë qytetar në rast se evidentohet nuk do të mbetet pa ndëshkuar nga strukturat e posaçme kundër krimeve zgjedhore. Ndërhyrja e Policisë së Shtetit dhe bashkëpunimi me strukturat e KQZ do të jetë sipas përcaktimeve. Dislokimi i forcave të Policisë së Shtetit do të bëhet 150 metër larg QV-ve. Për të bashkëpunuar dhe për të ndërhyrës sipas vendimit të fundit të KQZ janë caktuar dy koordinatorë që me evidentimin e rastit do të njoftojnë sallat e kontrollit të drejtorive vendore ose drejtuesin e shërbimit dhe menjëherë policia do të marrë masa për ndërhyrjen në ambientet e jashtme. Në ambientet e brendshme, Sekretari i Komisionit të QV-së njofton Policinë e Shtetit dhe efektivët menjëherë ndërhyjnë në qendrën përkatëse të votimit”, shpjegoi Çeli.