Burimet bëjnë me dije se vijon seanca me dyer të mbyllura e bashkëpunëtorit të drejtësisë, Nuredin Dumani në Gjykatën e Posaçme për çështjen “Plumbi i Artë”.
Përgjatë seancës, Dumani është përplasur me tone të ashpra me të arrestuarit për të cilët ka rrëfyer se në bashkëpunim me ta, ka kryer krimet.
Ka qenë Gentjan Sharra ai që pretendoi se në kohën kur e implikon Dumani, ai ka patur biznese, ka marrë tendera 2 milionë euro, ka poseduar një automjet 50 mijë euro dhe nuk kishte nevojë të merrte pjesë në një grabitje për të përfituar disa mijëra euro, të cilat do të ndaheshin në disa pjesë.
Nga ana tjetër Petrit Qoli, një tjetër i arrestuar pretendoi se prej 3 vitesh mbahet i arrestuar nga deklarimet e Dumanit dhe ka lënë vetëm gruan që ai dashuron.
Nje tjetër i arrestuar, Enver Diva i ka kërkuar gjykatës që pas përfundimit të dëshmisë së Dumanit, që po kontestohet qoftë nga të arrestuarit, por edhe nga avokatët, që gazetarët të lejohen në sallë për të pasqyruar versionin e tyre.