Një 30-vjeçar ka mbetur i plagosur me mjet prerës në zonën e Shëngjinit dhe është transportuar për ndihmë mjekësore në Spitalin Rajonal të Lezhës.
Sipas njoftimit të Policisë, rreth orës 16:20 në spital është paraqitur shtetasi Renato Leka, rreth 30 vjeç, i cili dyshohet se është plagosur me thikë në dorë.
I riu ndodhet nën kujdesin e mjekëve, ku po merr trajtimin e nevojshëm, ndërsa fatmirësisht është jashtë rrezikut për jetën.
Menjëherë pas ngjarjes është ngritur një grup i posaçëm hetimor, i cili po punon për zbardhjen e plotë të rrethanave të plagosjes, si dhe për identifikimin dhe kapjen e autorit ose autorëve të dyshuar.
Njoftimi i Policisë:
“Rreth orës 16:20, jemi njoftuar se në Spitalin Rajonal Lezhë është paraqitur për ndihmë mjekësore shtetasi R. L., rreth 30 vjeç, i cili dyshohet se është plagosur me mjet prerës (thikë) në dorë.
Shtetasi ndodhet në kujdesin e mjekëve, duke marrë trajtimin e nevojshëm mjekësor, jashtë rrezikut për jetën.
Ndërkohë, është ngritur grupi i posaçëm hetimor, i cili po punon për sqarimin e plotë të rrethanave të ngjarjes, si dhe për identifikimin dhe kapjen e autorit/autorëve.”