Ndërkohë që fansat organizojnë përvjetorin e Elvis Presley-t, një eksperte ka ‘gërrmuar’ për të hedhur poshtë mitet për vdekjen e tij.
Mbreti i Rock n Roll-it vdiq më 16 gusht 1977, me vdekjen e tij që tronditi industrinë e muzikës në atë kohë. Këngëtari i Suspicious Minds ishte vetëm 42 vjeç kur vdiq në shtëpinë e tij në Memphis, Graceland.
“Sipas ligjit të shtetit të Tenesit, është certifikata e vdekjes ajo që do të bëhet publike në vitin 2027, jo raporti i autopsisë. Raporti i autopsisë dhe përmbajtja e tij janë tashmë shumë publike…nuk ka asnjë mister të madh që pret të zbulohet.” u shpreh Sally A Hoedel, autore e Destined to Die Young.
Ajo vazhdoi të shpjegoi se si vdekja e Elvisit nuk ishte një vdekje “e tmerrshme” dhe “dramatike” që njerëzit vazhdojnë të përpiqen të pretendojnë.
Pavarësisht se pranoi se abuzimi me drogën dhe stili i jetës jo i shëndetshëm i yllit të Hound Dog sigurisht që nuk do ta ndihmonin shëndetin e tij, ajo këmbënguli se vdekja e tij mund të kishte qenë e lidhur më ngushtë me një çështje gjenetike.