Partia Socialiste zgjodhi Vangjel Tavon si kandidatin e saj për zgjedhjet e pjesshme vendore që do të mbahen në Bashkinë e Himarës.
Ky vendim i Ramës nuk duket aspak një zgjedhje e momentit. Përkundrazi, kjo zgjedhje vjen që në mars të këtij viti, kur papritur kreu I qeverisë do e zgjidhte atë prefekt të Vlorës.
Edhe pse për shumëkënd mund të duket si një shpërblim meqë Tavo braktisi Metën e LSI-në, në fakt Rama me caktimin e Tavos hyn në zgjedhje me dy pluse të mëdha.
Së pari Vangjel Tavo është minoritar, ndonëse nga Gjirokastra. Ndaj dhe katapultimi i një gjirokastriti si prefekt i Vlorës, vjen pasi ky qark përfshin dhe bashkinë e Himarës.
Kjo do bëjë që Tavo të marrë vota dhe nga komuniteti grek në Bashkinë e Himarës duke përçarë votat e këtij komuniteti. Nëse këto vota do të bashkoheshin dhe me ato socialiste, kjo do I jepte një avnatazh të padiskutueshëm PS-së për të rimarrë drejtimin e kësaj force.
Së dyti, caktimi i Tavos si kandidat për Bashkinë e Himarës, është dhe një kalkulim strategjik i Edi Ramës përballë presionit të Greqisë dhe faktorit ndërkombëtar.
Nëse Greqia po përpiqet që ta politizojë dhe ta shtrojë në rrafsh diplomatik arrestimin e Belerit si shkelje të të drejtave të minoriteteve, Rama me këtë lëvizje do ta rrëzonte këtë pretendim pasi kandidati I saj vjen po nga minoriteti dhe kryebashkiaku i ardhshëm do të jetë po minoritar.
I zgjedhur nga votat e qytetarëve kryebashkiak i Himarës, Fredi Beleri është arrestuar më datë 12 maj 2023. Ai akuzohet për veprën penale “korrupsion aktiv në zgjedhje, kryer në bashkëpunim”.
Gjykata e Posaçme për Korrupsionin dhe Krimin e Organizuar vendosi të matën më 5 mars që të shpallë fajtor për korrupsion aktiv në zgjedhje kryetarin e zgjedhur të Bashkisë së Himarës, Fredi Beleri dhe e dënoi atë me 2 vjet burg.