Kryeministri i Kosovo, Albin Kurti, ka kundërshtuar dekretin për shpërndarjen e Kuvendit, duke e cilësuar atë si të papajtueshëm me Kushtetutën. Deklarata e tij erdhi pas përplasjes në distancë me presidenten e vendit, Vjosa Osmani.
Në një prononcim për mediat, Kurti theksoi se sipas Kushtetutës, shpërndarja e Kuvendit mund të ndodhë vetëm pas përfundimit të të gjitha procedurave për zgjedhjen e presidentit dhe pas dështimit të raundit të tretë të votimit.
Ai sqaroi se dispozita kushtetuese përcakton një afat maksimal dhe se pa përfunduar të gjitha raundet e votimit nuk mund të ndërmerret vendimi për shpërndarjen e parlamentit.
“Duhet të ketë dështim të raundit të tretë që të ketë shpërndarje të Kuvendit. Pa folur Gjykata Kushtetuese nuk mund të flasim për zgjedhje të reja. Nëse nuk zgjidhet presidenti, Kuvendi nuk mund të shpërndahet”, u shpreh Kurti.
Sipas tij, në rast se presidenti nuk zgjidhet, vendi nuk mund të shkojë automatikisht në zgjedhje të reja parlamentare, ndërsa shtoi se dekreti për shpërndarjen e Kuvendit nuk është në përputhje me Kushtetutën.