Një nga grupet më të mëdha shqiptare të trafikut të kokainës në Europë, i drejtuar nga Elvis Çela dhe Franc Çopja, është goditur sot nga SPAK në bashkëpunim me EUROPOL. Me bazë në Paraguai, rrjeti konsiderohet nga hetuesit si aq i fuqishëm sa ndikonte në çmimet e tregut europian të drogës.
Hetimi, i bazuar mbi komunikimet e enkriptuara të platformës SkyECC, zbuloi se në vetëm dy vite, grupi trafikoi 28 tonë kokainë, të fshehur në kuti sapuni, bojë metalike dhe bombola.
Ngarkesat rekord të sekuestruara:
Nëntor 2020: 11.6 tonë kokainë, të fshehura në kuti sapuni dhe bojë metalike, sekuestruar në Portin e Anversit, Belgjikë.
Shkurt 2021: 16.4 tonë kokainë, të fshehura në bombola metalike, sekuestruar në Portin e Hamburgut, Gjermani – me vlerë deri në 3.5 miliardë euro.
Arrestimet:
Gjykata e Posaçme caktoi “arrest në burg” për 14 persona dhe “detyrim paraqitje” për 2 të tjerë. Deri tani janë ekzekutuar 9 masa sigurie në Shqipëri. Franc Çopja u arrestua në një vend të BE-së, ndërsa 6 persona të tjerë janë ende në kërkim.
Pastrimi i parave:
Hetuesit zbuluan një skemë të sofistikuar, me transport “cash” nga BE drejt Shqipërisë përmes shoferëve të autobusëve ndërkombëtarë dhe përdorim të sistemit informal “hawala” për të shmangur gjurmët bankare.
Pasuritë e sekuestruara:
Resort turistik në Xhafzotaj, Durrës
Vila luksoze në Dhërmi dhe Tiranë
Tokë e ndërtesa në Tiranë
Kuota në shoqëri tregtare
3 automjete luksoze
Rreth 112 mijë euro, 4 mijë USD dhe 880 mijë lekë cash
Anëtarët e grupit kriminal:
Elvis Çela, Franc Çopja, Riza Çela, Ardian Çela, Albin Çela, Fadil alias Jul Balla, Petrit Sulejmani alias Lakatos, Mariglen Kamami, Denis Daja, Kujtim Gjyla, Renato Musaka, Vilson Pepa, Dition Pepa, Miklovan Mullai, Gert Çerma.